თუ თქვენი შვილი დიდ დროს ატარებს გაჯეტებთან და გსურთ თანამედროვე გამოწვევები სასარგებლო შესაძლებლობად აქციოთ, მაშინ ეს კურსი დაგეხმარებათ ამ მიზნის მიღწევაში.
8 – დან 17 წლამდე ასაკის მოზარდებისთვის გორში მასტერკლასები ჩატარდება, რომელიც ითვალისწინებს ელექტრონული მოწყობილობებით სასარგებლო პროგრამების დაუფლებას და არსებული რისკების თავიდან არიდებას.
პროგრამა შემდეგ თემებს მოიცავს:
- პერსონალური მოწყობილობების (სმარტფონები, ტაბლეტები და სხვა) დაცვა
- მავნე პროგრამების და ონლაინ საფრთხეების ამოცნობა
- ონლაინ ბულინგის და შესაძლო თაღლითობის თავიდან არიდების შესაძლებლობები
- ხელოვნური ინტელექტის (AI) გამოყენებით საჭირო ინფორმაციის მარტივად მოძიებისა და დამუშავების შესაძლებლობები/სასარგებლო პროგრამები
კურსი 16 მარტიდან დაიწყება და ყოველ შაბათს, 2 საათის განმავლობაში გაგრძელდება. მასტერკლასებს გამოცდილი სპეციალისტები გაუძღვებიან. კურსი მოიცავს როგორც თეორიულ, ისე პრაქტიკულ ნაწილს.
სრული კურსის (8 შეხვედრა) გავლის შემთხვევაში, წარმატებულ მსმენელებს სერტიფიკატები გადაეცემათ.
კურსის დასრულებისას, მოეწყობა სპეციალური შეხვედრა მშობლებისთვის, რომლებიც იმ პროგრამებს გაეცნობიან, რითიც ონლაინ რეჟიმში მოზარდის უსაფრთხოების გაკონტროლებას შეძლებენ.
დაინტერესების შემთხვევაში, 2024 წლის 10 მარტამდე უნდა დარეგისტრირდეთ შემდეგ ბმულზე: https://forms.gle/qGfnhVnSbUV2XASy9
დამატებითი ინფორმაციისთვის დაგვიკავშირდით: https://www.facebook.com/neotv.ge/
