არა რუსულ კანონს! არა რუსულ რეჟიმს! – ამ ლოზუნგებით გორში, 19 მაისს, 19:00 საათზე ახალგაზრდების მარში გაიმართება. ახალი თაობა გორის თეატრის სკვერში შეიკრიბება და მმართველი გუნდის გადაწყვეტილებას გააპროტესტებს.
“ისევ გრძელდება ახალგაზრდების, სტუდენტების, დიდების და პატარების მარში და არ გაჩერდება ეს მდინარე, ვიდრე არ გაედინება რუსული კანონი ამ ქვეყნიდან. მოვუწოდებთ მოსახლეობას, 19 მაისს, 19:00 საათზე სხვადასხვა სკოლისა თუ უნივერსიტეტის ბავშვები, დიდები თუ პატარები გამოდით ყველა და კიდევ ერთხელ ვუთხრათ არა რუსულ რეჟიმს ! შეკრების ადგილი – გორის გიორგი ერისთავის თეატრის ბაღი” – აცხადებენ ახალგაზრდები.
ისინი ასევე მიმართავენ გორის უნივერსიტეტის თვითმმართველობას, რომ მმართველი გუნდის ახალგაზრდულ ფრთაში ყოფნის ნაცვლად, დადგნენ ისტორიის სწორ მხარეს.
