გორში სტომატოლოგიის საერთაშორისო დღე აღინიშნა. ღონისძიებას უმასპინძლა კოლეჯმა “ამაგი”. მისმა წარმომადგენლებმა მოწვეულ სტუმრებს სტომატოლოგის ასისტენტის პროგრამა გააცნეს, რომელიც მათივე თქმით, შრომის ბაზრის კვლევის შედეგად შეიმუშავეს.
ამ პროგრამის მნიშვნელობაზე დეტალურად ისაუბრა დენტალური საქმის ასისტირების პროფესიული საგანმანათლებლო პროგრამის ხელმძღვანელმა ირინა ბერკაცაშვილმა. ღონისძიების მიზანს წარმოადგენდა ცნობიერების ამაღლება საზოგადოებაში.
“ცოტა ადამიანი აცნობიერებს პირის ღრუს ჯანმრთელობისა და ჰიგიენის ნამდვილ მნიშვნელობას. სტომატოლოგიური დაავადება გავლენას ახდენს არა მხოლოდ პირის ღრუზე, არამედ შეიძლება გამოიწვიოს უფრო სერიოზული პრობლემები, რომლებიც გავლენას ახდენენ თქვენს ჯანმრთელობასა და კეთილდღეობაზე. კბილის ტკივილის უმეტესი ნაწილი, რომელიც გამოწვეულია სტომატოლოგიური დაავადებებით, არა მხოლოდ განკურნებადია, არამედ ძალიან პრევენციულია. სწორედ ამიტომ აღინიშნება კბილის ტკივილის ეროვნული დღე მთელ მსოფლიოში 9 თებერვალს. ეს არ არის კბილის ტკივილის აღნიშვნის დღე, არამედ უფრო მეტი ცნობიერების ამაღლების საშუალება სტომატოლოგიური მოვლის, კარგი პირის ღრუს ჰიგიენისა და საშინელი კბილის ტკივილის პრევენციის შესახებ”,-აღნიშნეს ღონისძიების ორგანიზატორებმა.
ღონისძიების დასასრულს დაჯილდოვდნენ ღვაწლმოსილი სტომატოლოგები: გოგი გურგენიძე და ვიოლა ჭეღელიძე. შეხვედრას საქართველოს მასშტაბით მდებარე სხვადასხვა სტომატოლოგიური კლინიკის წარმომადგენლები ესწრებოდნენ.
