უკრაინის ქალაქ ლიმანიდან ლტოლვილი ოჯახი დახმარებას ითხოვს. ვალია, რომელიც 6 შვილის დედაა ამბობს, რომ 2022 წლის 16 აპრილის შემდეგ, კასპის მუნიციპალიტეტში ცხოვრობს და 400 ლარიანი ერთჯერადი დახმარების გარდა არავისგან არაფერი მიუღია.
“მოვლენ სურათებს გადაგვიღებენ, შეგვპირდებიან და დაიკარგებიან, აღარაფრის იმედი გვაქვს, ყოველდღე იმის იმედით ვიძინებთ, რომ ხვალ ვინმე პურს შემოგვაწვდის. საჭმელი, სასმელი ტანსაცმელი, ყველაფერი გვჭირდება, მაგრამ ვის რა მოვთხოვოთ და მივმართოთ არ ვიცი. ჩემი ბიჭი ვიდარდო, რომელიც ახლა ომშია, თუ დანარჩენი შვილები, რომელთა გამოკვების საშუალებაც კი არ მაქვს. ცალკე კომუნალური გადასახადი და იმაზე ფიქრი, სად რა გავაკეთო, რომ პურის ფული მაინც მქონდეს ყოველდღიურად. არ ვიცი სადამდე შევძლებთ ასე ცხოვრებას. ვთხოვ ყველას, ვისაც შეუძლია ოდნავ მაინც შეგვიმსუბუქოს ეს პრობლემები, იქნებ სადმე მაინც დაგვასაქმონ, რომ ჩვენი შრომით ვჭამოთ პური დ აღარვინ შევაწუხოთ“,-ამბობს უკრაინიდან ლტოლვილი 6 შვილის დედა.
ლიმანში ოჯახმა ყველაფერი დაკარგა. მათი სახლი რუსეთის ერთ-ერთი სამიზნე გახდა და მთლიანად განადგურდა. კასპში მცხოვრებ 6 შვილის დედას “ქალთა ფონდის” მიერ მხარდაჭერილი პროექტის ფარგლებში ფსიქოლოგი ესაუბრა. სპეციალისტის შეფასებით, ადგილი აქვს მძიმე ფორმის სტრესს და იმედგაცრუებას, რაც ბენეფიციართან ხანგრძლივ მუშაობას მოითხოვს.
