• რამდენად ხელმისაწვდომია ციფრული ტექნოლოგიები სოფლად მცხოვრები გოგონებისა და ქალებისთვის, განსაკუთრებით ომით დაზარალებული პირებისთვის?

• რაში იყენებენ ონლაინ სივრცეს დევნილი და საოკუპაციო ხაზთან მცხოვრები გოგონები და ქალები?

• მიუწვდებათ თუ არა ხელი გოგონებსა და ქალებს სხვადასხვა სასარგებლო პლატფორმაზე და ა.შ, ამ საკითხებზე ნეო ტვ შიდა ქართლში კვლევას ატარებს.

“ფონდი ტასოს” მიერ მხარდაჭერილი პროექტის ფარგლებში გამოვლინდება ის საჭიროებები, რომლებიც ტექნოლოგიების სფეროში სოფლად მცხოვრებ გოგონებსა და ქალებს ახასიათებთ. ნეო ტვ კვლევის შედეგებს, სოფლად მცხოვრები ქალების დღეს, 15 ოქტომბერს გამოაქვეყნებს.

დაინტერესებულ პირებს კვლევაში მონაწილეობა შემდეგ ბმულზე შეუძლიათ.

პროექტის “სუფთა გარემო ნარჩენების გარეშე ხაშურის მუნიციციპალიტეტში” – კვლევის წინასწარი შედეგების საჯარო განხილვა მოეწყო. მომხსენებლებმა ანა ჯებისაშვილმა და სოსო მეზვრიშვილმა ხაშურის მუნიციპალიტეტის თანამშრომლებს ნარჩენებთან დაკავშირებული ის პრობლემები გააცნეს, რომლებსაც ადგილზე გამოკითხული მოქალაქეები აფიქსირებდნენ. კვლევის წინასწარი შედეგების მიხედვით, ნარჩენების მართვის 5 წლიანი გეგმის შესრულებასთან დაკავშირებით გარკვეული ხარვეზები არსებობს, რომელთა გამოსწორების მიზინთ, “ქართლოსი” მუნიციპალიტეტს სპეციალურ რეკომენდაციებს გაუგზავნის.

შეხვედრა მოეწყო პროექტის ,,სუფთა გარემო ნარჩენების გარეშე ხაშურის მუნიციპალიტეტში“ ფარგლებში, რომელსაც მეგობრობის ხიდი „ქართლოსი“ ახორციელებს. მისი მიზანია ნარჩენების მართვის ხარისხის გაუმჯობესება ხაშურის მუნიციპალიტეტში, ნარჩენების მართვის გეგმის შესრულების მონიტორინგისა და გამოვლენილი პრობლემების მოგვარების ადვოკატირების გზით.

___________________________________________________________________________

საჯარო განხილვა განხორციელდა “საქართველოს სტრატეგიული კვლევებისა და განვითარების ცენტრის’ მხარდაჭერით, პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. პროექტი მიზნად ისახავს, გააძლიეროს სამოქალაქო საზოგადოება როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი საქართველოს მასშტაბით.

პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). პროექტს აფინანსებს ევროკავშირის და კონრად ადენაუერის ფონდი.

ვიდეო მომზადებულია “მეგორბობის ხიდი ქართლოსის” მიერ, საქართველოს სტრატეგიული კვლევებისა და განვითარების ცენტრის (CSRDG) მხარდაჭერით, პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში.

ვიდეოს შინაარსზე პასუხისმგებელია “მეგობრობის ხიდი ქართლოსი” და შესაძლოა იგი არ გამოხატავდეს ევროკავშირის, სხვა დონორებისა და კონსორციუმის პარტნიორების შეხედულებებს.

გადაცემის სტუმრები:

• ქეთი შუღლიაშვილი – “ნეოლაბის” მონაწილე

• ნიკოლოზ ჯაბახიძე – გორის ახალგაზრდული ცენტრის დამფუძნებელი

წამყვანი: რუსკა ბუზიაშვილი

ზოგიერთი თვლის, რომ სიზარმაცე ახალგაზრდა ადამიანებში მოტივაციის არქონის შედეგია. ეს ხდება მაშინ, როდესაც ადამიანი არ ვითარდება და მისდევს ერთსა და იმავე სტერეოტიპებს. თვითრეალიზაციას ახდენს არა ის, ვინც მუდმივად ერთსა და იმავეს აკეთებს, არამედ ის, ვინც შეუჩერებლად ვითარდება, წინ მიდის, რაც შესაძლებელია მხოლოდ ეგზისტენციალური მოტივაციის ქონის შემთხვევაში.

დარგის სპეციალისტების განმარტებით, სიზარმაცესთან ბრძოლა შესაძლებელია ფსიქოთერაპიის მეშვეობით, რა დროსაც ფსიქოლოგი კლიენტს ეხმარება გათავისუფლდეს საზოგადოების მიერ თავსმოხვეული სტერეოტიპებისგან და მოიპოვოს მოტივაცია – გააცნობიეროს საკუთარი პიროვნების განუმეორებლობა/უნიკალურობა. სიზარმაცესთან ბრძოლა ადამიანმა დღის განრიგის შეცვლით უნდა დაიწყოს, რომელსაც მკაცრად გააკონტროლებს და თავს მოდუნების საშუალებას არ მისცემს. ამისთვის შესაძლოა რთული საქმის სახალისოდ გარდაქმნა.

სიზარმაცე უპირისპირდება ადამიანის ისეთ თვისებებს, როგორიცაა: შრომისმოყვარეობა, სიბეჯითე, გულმოდგინება. ხშირად სიზარმაცეს განმარტავენ როგორც უზრუნველობას, გულგრილობას, მოქმედების სურვილის არქონას, ზიზღს სამუშაოს მიმართ, მიდრეკილებას უსაქმურობისაკენ. ეს არის ერთგვარი მდგომარეობა, როცა ადამიანს სურს, დახარჯოს რაც შეიძლება ნაკლები ენერგია. სიზარმაცისადმი პოზიტიური მიდგომის თანახმად, ის პროგრესის განმაპირობებელია, რომლის გარეშეც ადამიანები ვერ განვითარდებოდნენ და სიახლეებს ვერ აღმოაჩენდნენ. სიზარმაცე აუცილებელია ცხოვრების ისეთი მომენტის დროს, როგორიცაა არდადეგები, დასვენება შვებულება და ა.შ.

რა მოსდევს სიზარმაცეს? – ამ კითხვაზე საუკეთესოდ აქვს გაცემული იაკობ გოგებაშვილს თავის ერთ-ერთ მოთხრობაში, სადაც აღწერს მოწყალების მოლოდინში მყოფი კაცის მდგომარეობას, რომელსაც ადრეული ასაკიდანვე სძულდა შრომა და დრო ფუჭად გაჰყავდა. სწორედ დროის სასარგებლოდ გამოყენებას უნდა დავუკავშიროთ ჩვენი ყველა ქმედება და ვიფიქროთ საკუთარ შესაძლებლობებზე. ყველა ადამიანში არსებობს მინიმუმ ერთი ინტერესი-მისწრაფება-გატაცება მაინც, რომლის განვითარებითაც აუცილებლად მიიღებს შედეგს.

ხშირად სკოლის მოსწავლეები, სტუდენტები და ზოგადად ახალგაზრდები თვლიან, რომ ეს ის პერიოდია, რომელიც ადამიანს უკან ვეღარასოდეს დაუბრუნდება და მთელ დროს გართობას ანდომებენ, თუმცა ბევრი უფროსისგან მსმენია, რომ დროის უკან დაბრუნების შემთხვევაში ბევრ რამეს შეცვლიდა საკუთარ ცხოვრებაში. მაგრამ დრო მიდის და უკან არ ბრუნდება, ამიტომ მნიშვნელოვანია ეს ახალგაზრდულ ასაკშივე კარგად გავაანალიზოთ და გავითვალისწინოთ, რომ მაშინ როცა ჩვენ სიზარმაცეს ვირჩევთ და დღევანდელ საქმეს ხვალისთვის გადავდებთ, ადამიანთა გარკვეული ნაწილი ცოდნა-განვითარებას სწორედ ახლა იძენს და გული ნუ დაგვწყდება თუ მომავალში მათ ჩვენზე წარმატებულებს და ლაღი ცხოვრებით ვნახავთ.

ქეთი გორგიშელი

ვარიანის საჯარო სკოლა